YAPONİYALI SƏFİRİN FƏALİYYƏTİ YÜKSƏK QİYMƏTLƏNDİRİLMİŞDİR
AZƏRTAC xəbər verir ki, təhsil naziri Misir Mərdanov Yaponiyanın ölkəmizdəki səfiri Toşiyuki Fucivara ilə görüşmüşdür. Nazir oktyabr ayında səlahiyyət müddəti başa çatacaq diplomata Azərbaycan təhsilinə göstərdiyi köməyə görə təşəkkürünü bildirmiş, ona gələcək fəaliyyətində uğurlar arzulamışdır. Yaponiya diplomatı Bakıda işlədiyi dövrdə respublikamızda 33 məktəb binasının tikilib istifadəyə verilməsinə yardım göstərmişdir.
Səfir Toşiyuki Fucivara ölkəsinin Azərbaycanda yeni təyin ediləcək səfirinin də təhsilə kömək göstərəcəyinə əmin olduğunu söyləyərək vurğulamışdır ki, təhsilə qayğı Yaponiya hökumətinin strategiyasında mühüm yer tutur.
Görüşdə Yaponiyanın maliyyə dəstəyi ilə ölkəmizdə inşa və təmir edilmiş məktəb binalarının açılışının birgə keçirilməsi qərara alınmışdır.
Bölmənin digər xəbərləri
