Yaşıllıq ərazidə baş verən yanğınla bağlı toplanmış sənədlər prokurorluğa göndərilib
Bakı, 13 avqust, AZƏRTAC
Bir neçə gün əvvəl Xətai rayonu, Vunqtau küçəsində yaşıllıq ərazidə baş verən yanğınla bağlı aparılan araşdırmalar başa çatıb. Yanğın zamanı 47 şam ağacının yandığı və təbiətə 37 min 800 manat məbləğində ziyan dəydiyi hesablanıb.
AZƏRTAC xəbər verir ki, bunu Dövlət Ekoloji Təhlükəsizlik Xidmətinin rəsmisi Vaqif Cavadov bildirib.
O qeyd edib ki, yanğının qəsdən törədilməsində şübhələr olduğu və dəymiş ziyanın məbləği cinayət tərkibi yaratdığı üçün toplanmış sənədlər Xətai Rayon Prokurorluğuna göndərilib.
Bölmənin digər xəbərləri
