YEDDİ FRANSIZ ALPİNİSTİ YOXA ÇIXMIŞDIR
AZƏRTAC-ın xüsusi müxbiri xəbər verir ki, yeddi fransız alpinisti, onlara bələdçilik edən və köməklik göstərən on bir nəfər nepallı ölkənin şimal-qərbində yoxa çıxmışlar. Himalay dağının 6981 metrliyindəki Kanq Quru zirvəsini fəth etmək istəyən alpinistlər oktyabrın 21-də yürüşə çıxmış, güclü qar yağdığından dağda alpinistlər üçün nəzərdə tutulmuş bazada gecələməli olmuşlar. Amma həmin gecə baş vermiş qar uçqunu nəticəsində onlarla əlaqə təmamilə kəsilmişdir.
Axtarış üçün ayrılmış dəstə güclü qar yağdığına və pis hava şəraitinə görə hələlik xilasetmə işlərini dayandırmışdır.
Bölmənin digər xəbərləri
