Yellen ABŞ-Çin münasibətlərini yaxşılaşdırmağa çağırır
Bakı, 22 aprel, AZƏRTAC
ABŞ və Çin son aylarda gərgin münasibətlərinə baxmayaraq, birlikdə yaşamaq üçün bir yol tapa bilər və tapmalıdırlar.
AZƏRTAC xəbər verir ki, bunu ABŞ-ın maliyyə naziri Janet Yellen bildirib.
Yellen Vaşinqtonda Cons Hopkins Universitetinin Qabaqcıl Beynəlxalq Araşdırmalar Məktəbindəki çıxışında ABŞ iqtisadiyyatını inkişaf etdirmək üçün Çinə qarşı iqtisadi məhdudiyyətləri dəstəkləməklə yanaşı, qlobal sabitliyin qorunması naminə ölkələr arasında aktual qlobal çağırışlar üzrə əməkdaşlığın vacibliyini vurğulayıb.
“Biz Çinlə hər iki ölkədə artım və innovasiyaları təşviq edən sağlam iqtisadi əlaqələr axtarırıq”, - Yellen deyib.
O bildirib ki, “hər iki ölkə iqtisadi sahədə sağlam rəqabətdən faydalana bilər. Ancaq hər iki tərəfin faydalandığı sağlam iqtisadi rəqabət yalnız bu rəqabət ədalətli olarsa, davamlıdır”.
Bölmənin digər xəbərləri
