Yeni nəsil nəzarət kassa aparatı vasitəsilə dövriyyə 20,5 faiz artıb
Bakı, 15 fevral, AZƏRTAC
Bugünədək ölkə ərazisində 85 min 209 ədəd yeni nəsil nəzarət kassa aparatı (NKA) quraşdırılıb.
AZƏRTAC Dövlət Vergi Xidmətinə istinadla xəbər verir ki, yeni nəsil NKA-dan istifadə hesablaşmaların daha şəffaf aparılmasına, malların qanunsuz dövriyyəsinin qarşısının alınmasına və dövriyyəyə nəzarətin təmin edilməsinə imkan yaradıb.
Cari ilin yanvar ayında NKA-lar vasitəsilə qeydə alınan dövriyyə 1,6 milyon manat olub ki, bu da ötən ilin müvafiq dövrü ilə müqayisədə 20,5 faiz çoxdur.
Dövlət Vergi Xidməti tərəfindən ölkədə yeni nəsil nəzarət-kassa aparatlarının tətbiqi istiqamətində işlər davam etdirilir.
Bölmənin digər xəbərləri
