Yeni Zelandiya koronavirusa görə üç günlük sərt karantin tətbiq edir
Bakı, 17 avqust, AZƏRTAC
Yeni Zelandiya hökuməti ölkə daxilində koronavirusun yayılması səbəbindən yeni sanitar qaydalar tətbiq olunduğunu elan edib.
AZƏRTAC xarici KİV-lərə istinadla xəbər verir ki, Yeni Zelandiya hökumətinin başçısı Casinda Ardern Vellinqton şəhərində keçirilən brifinqdə bütün ölkə ərazisində sərt karantin rejiminin üç gün, Oklend və Koromandel şəhərlərində isə yeddi gün davam edəcəyini deyib.
“Nazirlər Kabineti Yeni Zelandiyanın avqustun 17-də yerli vaxtla saat 23:59-dan etibarən üç gün müddətinə maksimal - dördüncü təhlükə səviyyəsinə keçməsi ilə bağlı qərar qəbul edib. Oklend və Koromandel şəhərlərində karantinin müddəti bir həftə davam edəcək”, - deyə Casinda Ardern bildirib.
Baş nazir qeyd edib ki, dördüncü dərəcəli məhdudiyyət tədbirləri ilə əlaqədar bütün müəssisələr və qurumlar bağlanacaq, ictimai tədbirlər ləğv ediləcək, məktəblər və ali təhsil müəssisələri isə distant tədris rejiminə keçiriləcək. Sakinlərə evdə qalmaları, küçədə və ictimai yerlərdə isə iki metrlik sosial məsafəyə riayət etmələri və imkan daxilində maska taxmaları tövsiyə olunur.
Bölmənin digər xəbərləri
