Yevlaxda 180 çarpayılıq xəstəxana binasının tikintisi başa çatmışdır
Yevlax, 16 avqust (AZƏRTAC). Prezident İlham Əliyevin Sərəncamına əsasən Yevlax şəhərində inşa olunan 180 çarpayılıq mərkəzi xəstəxananın binasında tikinti işləri başa çatmışdır.
AZƏRTAC xəbər verir ki, 4,3 hektar ərazini əhatə edən yeni xəstəxana kompleksi 6 korpusdan və yardımçı binalardan ibarətdir. Üç və dörd mərtəbəli korpuslarda qəbul, poliklinika, şüa-diaqnostika, cərrahiyə, travmatologiya, doğum, hemodializ, ginekologiya, intensiv terapiya, yoluxucu xəstəliklər və lor şöbələri fəaliyyət göstərəcəkdir. Burada, həmçinin camaşırxana, yeməkxana, qazanxana, transformator yarımstansiyası, su hovuzları, nasosxana yaradılacaqdır.
İstilik, havalandırma, siqnalizasiya sistemləri ilə təmin olunan xəstəxanada hazırda ən müasir avadanlıq quraşdırılır. Xəstəxananın yaxın vaxtlarda istifadəyə verilməsi nəzərdə tutulmuşdur.
Bölmənin digər xəbərləri
