Yevlaxda hüquqpozmalara qarşı tədbirlər keçirilib, 200 inzibati protokol tərtib olunub
Yevlax, 15 may, AZƏRTAC
Yevlax Rayon Polis Şöbəsinin əməkdaşları tərəfindən hüquqpozmalara qarşı keçirilən profilaktiki tədbirlər zamanı 200 inzibati protokol tərtib olunub.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-ın bölgə müxbirinə verilən məlumata görə, tədbirlər nəticəsində qanunsuz küçə ticarəti ilə məşğul olan 20, tütün məmulatlarından istifadə qaydalarını pozan 53, xırda xuliqanlıq hərəkətlərinə yol verən 41, məişət tullantılarını urnalardan kənara atan 20, azyaşlılara tütün məmulatları satan 7, qanunsuz ov silahı saxlayan 5 nəfər və eləcə də digər qayda pozuntularına yol verən şəxslər barəsində İnzibati Xətalar Məcəlləsinin müvafiq maddələri ilə protokollar tərtib olunub.
Bu istiqamətdə tədbirlər davam etdirilir.
Bölmənin digər xəbərləri
