YÜKSƏK REPRODUKSİYALI TAXIL TOXUMU İSTEHSALINA MARAQ ARTIR
Dövlət təsərrüfatlarının, toxumçuluqla məşğul olan fermerlərin və torpaq mülkiyyətçilərinin yüksək reproduksiyalı taxıl toxumu istehsalına marağı getdikcə artır.
Kənd Təsərrüfatı Nazirliyi Aqrar Elm Mərkəzinin baş direktoru Əsəd Musayev bildirmişdir ki, “Toxumçuluq haqqında” qanuna dəyişiklik və əlavə edilməsi barədə” Azərbaycan Respublikası Prezidentinin Fərmanından sonra bir ildə ölkəmizdə taxıl toxumu istehsalçılarının sayı təqribən 3 dəfəyə qədər çoxalmışdır. Toxumluq taxılın fermerlərə dəyəri ödənilmədən verilməsi və digər güzəştlər ölkənin yüksək reproduksiyalı taxıl toxumuna tələbatını yerli istehsal hesabına təmin etmək məqsədi daşıyır.
2008-ci ildə Azərbaycanda 1100 ton buğda və arpanın elit toxumunu istehsal etmək nəzərdə tutulur. Ümumiyyətlə, 2010-cu ilədək ölkəmiz özünü taxıl toxumu ilə tam təmin edəcəkdir.
Bu il respublikamızda taxıl əkini sahələri genişləndirilərək 828 min hektara çatdırılmışdır. Bunun 601 min hektarı buğda əkinləridir.
Elit toxumun əksər hissəsi Azərbaycan Elmi Tədqiqat Əkinçilik İnstitutunun təcrübə təsərrüfatlarında istehsal olunacaqdır.
Bölmənin digər xəbərləri
