YUNANISTANDA 29 SENTYABR MİLLİ MATƏM GÜNÜ ELAN EDİLMİŞDİR
AZƏRTAC-ın İTAR-TASS agentliyindən aldığı xəbərə görə, Yunanıstan hökuməti bir qrup məktəblinin avtomobil qəzasında həlak olması ilə əlaqədar sentyabrın 29-nu milli matəm günü elan etmişdir. Paralimpiya oyunlarının Təşkilat komitəsinin qərarı ilə yarışların sentyabrın 28-dəki bağlanış mərasimi mümkün qədər qısaldılmış, əyləncəli tədbirlər proqramdan çıxarılmışdır.
Sentyabrın 27-də Yunanıstanda uşaqları aparan avtobusun yük maşını ilə toqquşması nəticəsində yeddi məktəbli həlak olmuş, ikisi ağır yaralanmış, onlarca uşaq həyat üçün təhlükəli olmayan xəsarət almışdır.
