Yusuf Özhan: Jurnalistika keçmişlə gələcək arasında körpü rolunu oynayır
Şuşa, 14 iyul, AZƏRTAC
Jurnalistika əsasən gündəlik hadisələrin işıqlandırılması ilə məşğul olur. Bu hadisələr çox vaxt müvəqqəti xarakter daşıyır. Hətta bəzən bir neçə gün əvvəl şahidi olduğumuz hadisələri belə tez unuduruq. Buna görə də peşəmizin vəzifələrindən biri də baş verənləri zamanın sınağından çıxacaq şəkildə qorumaqdır.
AZƏRTAC xəbər verir ki, bunu Anadolu Agentliyinin vitse-prezidenti və baş redaktoru Yusuf Özhan iyulun 14-də IV Şuşa Qlobal Media Forumu çərçivəsində keçirilən "Dağıntıdan dirçəlişə: Şəhərsalma narrativləri və media məsuliyyəti" mövzusunda panel müzakirədə çıxışı zamanı deyib.
"İstər kitab nəşr etməklə, istər sənədli film hazırlamaqla, istərsə də digər vasitələrlə hadisələri sənədləşdirməli, onların həqiqi hekayəsini gələcək nəsillərə çatdırmalıyıq. Bu, xüsusilə şəhərlərin yenidən qurulması, tarixi abidələrin bərpası və onlarla bağlı xatirələrin qorunması baxımından böyük əhəmiyyət daşıyır", - deyə o qeyd edib.
Onun sözlərinə görə, jurnalistika keçmişlə gələcək arasında körpü rolunu oynayır və bu baxımdan onun missiyası son dərəcə vacibdir.
Bölmənin digər xəbərləri
