ZAQATALA CÜDOÇULARI ÖLKƏ BİRİNCİLİYİNDƏ UĞURLA ÇIXIŞ ETMİŞLƏR
AZƏRTAC-ın müxbiri xəbər verir ki, yeniyetmələr arasında Bakıda keçirilən cüdo üzrə növbəti respublika birinciliyində Zaqatala idmançıları uğurla çıxış etmişlər. Yarışlarda 8 idmançı ilə təmsil olunan rayon komandası ümumi hesabda 2 gümüş və 2 bürünc medal qazanaraq respublikanın kənd rayonları içərisində ən yüksək nəticə göstərmişlər. Komandaya medalları oğlanların yarışında Orxan Acırqayev və Aydın Əliyev, qızların yarışında isə Xuraman Əliyeva və Fatma Musayeva qazandırmışlar.
Hazırda rayon cüdoçuları bu ilin martında gənclər arasında keçiriləcək respublika birinciliyinə və may ayında yeniyetmələrin 4-cü respublika oyunlarına ciddi səylə hazırlaşırlar.
Bölmənin digər xəbərləri
