ZAQATALA RAYONUNDA 8 AYDA 2462 İŞYERİ YARADILMIŞDIR

30.09.2004 [14:12]
Çap et
A⁺ A^-

Regionların sosial-iqtisadi inkişafına dair Dövlət proqramının icrası ilə əlaqədar həyata keçirilən tədbirlər nəticəsində ötən 8 ayda Zaqatala rayonunda 2462 iş yeri yaradılmışdır. Yeni işə salınan müəssisələrdə 217, fəaliyyəti bərpa edilmiş obyektlərdə isə 45 nəfər daimi işlə təmin olunmuşdur. 2200 iş yeri isə mövsümi və müvəqqəti xarakter daşıyır.

İcra hakimiyyətindən AZƏRTAC-ın müxbirinə bildirmişlər ki, rayonda kənd təsərrüfatı məhsulları, çörək və un məmulatları, alkoqollu içkilər və mineral süfrə suları istehsal edən yeni emal sexləri işə salınmış, xeyli sayda ticarət və ictimai iaşə obyekti istifadəyə verilmişdir. Qazangül qəsəbəsində gül yağı emalı zavodunun tikintisi başa çatmışdır.

Aqrar bölmədə tütün əkini sahələrinin genişləndirilməsi hesabına 1135 nəfər, tərəvəz və bostan əkinlərinin artırılması hesabına isə 543 nəfər əlavə olaraq mövsümi işlərə cəlb edilmişdir. Taxılçılığın və heyvandarlığın inkişafı nəticəsində bu sahələrdə çalışanların sayı 250 nəfər artmışdır.

Dövlət proqramına uyğun olaraq, ötən dövrdə rayonda tikintinin və sosial sahələrin inkişafına da diqqət xeyli artırılmışdır.