Zərdab rayonunun kəndlərində sakinlərə səyyar tibb xidməti göstərilir
Zərdab, 24 avqust (AZƏRTAC). Zərdab rayon Mərkəzi Xəstəxanasının həkim və tibb işçilərindən təşkil olunmuş briqadalar qrafik üzrə kənd sakinlərinə səyyar xidmət göstərirlər.
AZƏRTAC xəbər verir ki, səyyar həkim briqadalarına ayrı-ayrı ixtisaslardan olan həkimlər - terapevt, ginekoloq və pediatrlar, habelə orta tibb işçiləri və laborantlar daxildir. Bütün briqadalar zəruri tibbi avadanlıq və dərman preparatları ilə təchiz edilmişdir.
Həkim briqadaları son vaxtlar rayonun Əlvənd, Şahhüseynli, Şəftəhal, Məlikli, Sarıqaya kəndlərində olmuş, yüzlərlə sakini müayinə etmiş, bir çoxlarına həkim məsləhətləri verilmiş, zəruri hallarda xəstələr rayon mərkəzi xəstəxanasına göndərmişlər.
Kəndlərin sakinləri səyyar həkim briqadalarının işindən və tibb xidmətinin bu şəkildə təşkilindən razılıq edirlər.
Bölmənin digər xəbərləri
