Zhang Ling: Xalqlar arasında humanitar əlaqələrin inkişafında media mühüm rol oynayır
Bakı, 14 iyul, AZƏRTAC
Media qlobal gündəliyin formalaşdırılmasında həmmüəllif rolunu oynayır. Bu baxımdan, hesab edirəm ki, beynəlxalq təşkilatlar və beynəlxalq media eyni məqsədə – tərəflər arasında körpülər yaratmağa və dialoqu gücləndirməyə xidmət edir.
AZƏRTAC xəbər verir ki, bunu Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) baş katibinin müavini Zhang Ling iyulun 14-də IV Şuşa Qlobal Media Forumu çərçivəsində keçirilən "Etimadın bərpasında media diplomatiyası və media savadlılığının rolu" mövzusunda panel müzakirəsində çıxışı zamanı deyib.
"Xalqlar arasında da humanitar əlaqələrin və qarşılıqlı münasibətlərin inkişafında media mühüm rol oynayır. Çoxtərəfli mexanizmlərə daha çox diqqət göstərilməsi və onların fəaliyyətinin peşəkar şəkildə işıqlandırılması beynəlxalq dialoq mədəniyyətinin formalaşmasına, ictimaiyyətin qarşıda duran qlobal çağırışlar barədə məlumatlandırılmasına və çoxtərəfli əməkdaşlıq formatlarına inamın güclənməsinə kömək edəcək", - deyə o diqqətə çatdırıb.
Bölmənin digər xəbərləri
