ZİNƏDİN ZİDAN FRANSADA ƏN MƏŞHUR ADAMDIR

14.08.2006 [15:24]
Çap et
A⁺ A^-

AZƏRTAC xəbər verir ki, “Jörnəl dü Dimanş” jurnalının ənənəvi sorğusuna görə, Fransa milli futbol komandasının sabiq kapitanı Zinədin Zidan Fransada ən məşhur adam hesab edilmişdir. Zidan Almaniyada dünya çempionatının italyanlarla final görüşünün başa çatmasına 10 dəqiqə qalmış meydandan çıxarılmasına baxmayaraq, sorğu iştirakçılarının səslərinin 48 faizini toplamışdır.

Sorğunun yekunlarına dair şərhdə deyilir: “Düşünmək olardı ki, iyulun 9-da Zidan italiyalı Marko Materatssini kəllə ilə vurub yerə sərdikdən sonra idman karyerasının uzun illəri ərzində qazandığı bütün populyarlığını itirəcəkdir. Lakin sorğunun nəticələri göstərir ki, fransızlar onu bağışlamışlar”.

“Headbutt” (“Kəllə zərbəsi”) musiqi kompozisiyası Avropa radiostansiyalarının efirinə çıxdıqdan sonra Zidanın məşhurluğu daha da artmışdır.

Sorğuda ikinci yeri musiqiyə keçən və populyar ifaçı olan keçmiş tennisçi Yannik Noa, üçüncü yeri ekoloq Nikolas Helo tutmuşlar.