PRESIDENT OF ESTONIA ARRIVES IN GEORGIA
AZƏRTAC xəbər verir ki, mayın 7-də Azərbaycan Dövlət İqtisad Universitetində (ADİU) ABŞ-ın Harvard Universitetinin professoru, tanınmış iqtisadçı-alim Qriqori Mənkyunun “İqtisadiyyatın əsasları” kitabının təqdimat mərasimi keçirilmişdir.
Universitetin rektoru, Milli Məclisin elm və təhsil məsələləri daimi komissiyasının sədri, professor Şəmsəddin Hacıyev, ABŞ-ın ölkəmizdəki səfirliyinin ictimaiyyətlə əlaqələr şöbəsi müdirinin müavini Dmitri Takahnovski və başqaları çıxış edərək bildirmişlər ki, ingilis dilindəki 3-cü nəşrdən tərcümə edilmiş kitabdan ADİU-da təhsil alan aspirant və tələbələr də bəhrələnəcəklər.
Tədbirdə qeyd edilmişdir ki, kitab ADİU rəhbərliyinin tövsiyəsi ilə Amerikada Təhsil Almış Məzunlar Assosiasiyası və ABŞ səfirliyinin maliyyə yardımı ilə tərcümə və nəşr edilmiş, əsasən respublikamızda fəaliyyət göstərən kitabxanalara, universitetlərə, nazirliklərə, digər qurumlara pulsuz paylanılmışdır.
840 səhifədən ibarət kitab qrafiklər, düsturlar və izahlı dioqramlarla zəngin olduğuna görə, bu kitabın tərcüməsində onun orijinal tərtibatının qorunmasına xüsusi diqqət yetirilmişdir. Nəşr yaşadığımız dünyada baş verən iqtisadi prosesləri daha yaxından qavramaq, iqtisadiyyatda fəal iştirak etmək və iqtisadi siyasətin imkan və məhdudiyyətlərini daha yaxından anlamaq imkanı verir.
Kitab həm də ADİU-nun iqtisadi nəzəriyyə fənninin tədris olunmasında baza dərsliklərindən biri kimi təsdiq olunmuşdur.
Other news in this section
