Qazaxıstanın “El Arna” telekanalında Azərbaycan filmləri nümayiş olunacaq VİDEO
Astana, 6 yanvar, AZƏRTAC
Qazaxıstanın “El Arna” televiziya kanalında yanvarın 7-dən başlayaraq bir həftə ərzində hər gün Azərbaycan filmləri nümayiş olunacaq.
AZƏRTAC xəbər verir ki, milli kinomuzun 120 illiyinə həsr edilən “Azərbaycan kino həftəsi”ndə ən məşhur filmlər qazax dilinə dublyaj olunaraq subtitrlə tamaşaçılara təqdim ediləcək.
Həftə ərzində “El Arna” telekanalında Azərbaycan kinosunun incilərindən olan “Nizami”, “Bir qalanın sirri”, “İsmayıl bəyin mücrüsü”, “Qayınana”, “Arşın mal alan”, “Məhəbbət haqqında dastan”, “Onun böyük ürəyi”, “Ögey Ana”, “Gün keçdi” və başqa filmlər nümayiş olunacaq.
İlahə Əhmədova
AZƏRTAC-ın xüsusi müxbiri
Astana
Bölmənin digər xəbərləri
