DÜNYA
2000-Cİ İLDƏ İKİ İSPAN BİZNESMENİNİN OĞURLANMASINDA İŞTİRAK EDƏN QULDUR TUTULMUŞDUR
Məlum olduğu kimi, 2000-ci ilin noyabrında Tbilisidə iki ispaniyalı iş adamı oğurlanmışdı. Həmin gündən Gürcüstanın hüquq mühafizə orqanları onların azad edilməsi əməliyyatına başlamış və biznesmenlər, nəhayət, 2001-ci ildə “əsirlik”dən azad olunmuşlar.
Dekabrın 8-də Gürcüstan Dövlət Təhlükəsizliyi Nazirliyinin rəsmi nümayəndəsi Nika Laliaşvili Tbilisidə brifinq keçirərək, jurnalistlərə bildirmişdir ki, ispaniyalı iş adamlarının oğurlanmasında iştirak etmiş quldurlardan biri Tengiz Xanqoşvili yaxalanmışdır. O, həmin cinayətdə əli olduğunu boynuna almış və ispanları Pankisi dərəsi ərazisindəki Duisi kəndindəki evlərdən birində altı ay ərzində əl-qolları zəncirlənmiş halda saxladıqlarını söyləmişdir.