2007-Cİ İLDƏ PARİSƏ REKORD MİQDARDA TURİST GƏLMİŞDİR
AZƏRTAC-ın xüsusi müxbiri xəbər verir ki, 2007-ci ildə Parisə rekord miqdarda turist gəlmişdir. Paytaxtın 55 əsas muzey və tarixi abidələrinə 70,4 milyon adam baş çəkmişdir. Bu, ötən ilin müvafiq dövrü ilə müqayisədə 1,7 dəfə çoxdur. 2000-cı ildə onların sayı 69,2 milyon olmuşdur.
Turistlərin daha çox baş çəkdikləri abidələr arasında məşhur Notr-Dam birinci yerdədir. Bu kilsəni 13,6 milyon turist ziyarət etmişdir. Sonrakı yerdə gələn Monmartrdakı Sakr-Kör kilsəsində 10,5 milyon adam olmuşdur. Luvr muzeyi 8,2, möhtəşəm Eyfel qülləsi isə 6,8 milyon turist qəbul etmişdir.
Parisin Jorj Pompidu mərkəzəinə, Pikasso, Orsey və Branli muzeylərinə gələnlərin sayı da xeyli artmışdır.
Bölmənin digər xəbərləri
