2020-ci ildə satılmış məhsulların və göstərilmiş xidmətlərin dəyəri azalıb
Bakı, 22 yanvar, AZƏRTAC
Ötən il istehlakçıların tələbatlarının ödənilməsi məqsədilə satılmış məhsulların və göstərilmiş xidmətlərin dəyəri 47,9 milyard manat olmaqla əvvəlki ilə nisbətən müqayisəli qiymətlərlə 8,1 faiz azalıb.
Dövlət Statistika Komitəsindən AZƏRTAC-a bildirilib ki, il ərzində qeyri-dövlət sektorunun təsərrüfat subyektləri tərəfindən satılmış məhsulların və göstərilmiş xidmətlərin dəyəri 2019-cu illə müqayisədə 7,7 faiz azalaraq 46,3 milyard manata bərabər olub, onun 52,1 faizi fərdi sahibkarların fəaliyyəti sayəsində formalaşıb.
Hesabat ilində istehlak bazarında bir istehlakçı orta hesabla ayda 400,4 manat və ya 2019-cu ilin müvafiq göstəricisindən nominal ifadədə 25,8 manat az vəsait xərcləyib.
Bölmənin digər xəbərləri
