2035-ci ildə Oslo ekoloji baxımdan təmiz nəqliyyatı olan şəhərə çevriləcəkdir
Stokholm, 7 aprel (AZƏRTAC). 2035-ci ilə qədər Oslo ekoloji cəhətdən təmiz nəqliyyatı olan şəhərə çevriləcəkdir.
AZƏRTAC xəbər verir ki, Norveç İşçi Partiyası 2035-ci ilə qədər Oslonu elektromobillər şəhərinə çevirməyi təklif edir. Ətraf mühitin mühafizəsinə dair yeni layihə dizel yanacağı və benzinlə işləyən avtomobillərə qadağa qoyulmasını nəzərdə tutur.
Neftlə zəngin olmasına baxmayaraq, Norveç əhalinin adambaşına düşən elektromobillərin sayına görə dünya lideridir. İsveçdə belə maşınların alınması hökumətin verdiyi güzəştlərlə tənzimlənir. Elektrokarlar əlavə dəyər vergisi olmadan satılır. Elektrokar sahibləri nəqliyyat vergisi ödəməkdən azad edilirlər. Belə avtomobillərin sahibləri pullu yollardan, bərələrdən və bələdiyyəyə məxsus dayanacaqlardan pulsuz istifadə etmək hüququna malikdirlər. Ekoloji amil də norveçlilər üçün çox əhəmiyyətlidir, çünki elektriklə işləyən nəqliyyata üstünlük verilməsi havanın çirklənməsi problemini həll edir.
Elektromobillərin ən əsas qüsuru isə bahalı servis xidmətidir.
Rauf Əliyev
AZƏRTAC -ın xüsusi müxbiri
Stokholm
Bölmənin digər xəbərləri
