20 quş növünün yerli adları təsdiq olunub
Bakı, 2 aprel, AZƏRTAC
Azərbaycan Milli Elmlər Akademiyasının (AMEA) Zoologiya İnstitutunun iclasında ornitologiyaya daxil olan bəzi quş növlərinin yerli adları müzakirə edilib.
İnstitutdan AZƏRTAC-a bildirilib ki, Zooloji Muzeyin müdiri Səbinə Bünyatova 140 növün adları arasında fərqliliyin olduğunu və müzakirə olunaraq yekun adların qəbul edildiyini deyib.
İclasda müzakirəyə çıxarılmış 20 quş növünün yerli adları ornitoloqlar tərəfindən təsdiq olunub.
Müzakirələrdə AMEA Zoologiya İnstitutun direktoru, fizika üzrə fəlsəfə doktoru Elman Yusifov, institutun elmi işlər üzrə direktor müavini, professor Elşad Əhmədov, quru onurğalıları laboratoriyasının müdiri, biologiya üzrə elmlər doktoru Qiyas Quliyev, biologiya üzrə fəlsəfə doktorları Elçin Sultanov, İlyas Babayev, Tahir Kərimov, Əbülfəz Tağıyev, habelə Sevinc Rəcəbova iştirak ediblər.
Bölmənin digər xəbərləri
