Dünyanın ən böyük televizoru VİDEO
Bakı, 11 iyun (AZƏRTAC). Böyük Britaniyanın “Titan” şirkəti dünyanın ən böyük televizor modelini təqdim etmişdir. “Zeus” markalı bu televizorun panelinin diaqonalı 370 düym (təxminən 9,4 metr), çəkisi bir tona yaxındır.
AZƏRTAC xarici KİV-lərə istinadla xəbər verir ki, displey ölçüləri 8x5 metr olan televizor həm qapalı yerlərdə, həm də açıq havada istifadə üçün nəzərdə tutulur. “4K” formatını (Ultra HD) dəstəkləyən panelin təsvir ölçüsü 3840х2160 piksel təşkil edir ki, bu da “Full HD” (1920х1080 piksel) formatının təsvir ölçüsü ilə müqayisədə dörd dəfə böyükdür.
“Titan Zeus” yaxşı rəng çalarlarına malikdir. Qurğunun digər texniki xüsusiyyətləri hələlik açıqlanmır.
Televizora 1,6 milyon dollar qiymət qoyulmuşdur. Artıq model üçün ilk sifarişlərin alındığı bildirilir.
Bölmənin digər xəbərləri
