İQTİSADİYYAT


Dmitri Volvaç: Rusiya Azərbaycanla vergi sahəsində təcrübə mübadiləsinə hazırdır

Bakı, 8 avqust, AZƏRTAC 

Rusiya Azərbaycanla vergi sahəsində təcrübə mübadiləsinə hazırdır.

AZƏRTAC vergiler.az saytına istinadla bildirir ki, bu sözləri Rusiya Federasiyasının Federal Vergi Xidmətinin (FVX) beynəlxalq əməkdaşlıq və valyuta nəzarəti idarəsinin rəisi Dmitri Volvaç deyib.

O bildirib: “Biz Rusiya Federasiyasında onlayn kassa sistemlərinin yaradılması, iri vergiödəyicilərinin gəlirlərinə nəzarətin təmin olunması və bu məlumatlardan vergi inzibatçılığında necə istifadə edilməsi ilə bağlı təcrübəmizi bölüşməyə hazırıq. Azərbaycanda əlavə dəyər vergisinin elektron inzibatçılığı və elektron dövlət qeydiyyatı sahələrində təcrübəsi daha genişdir. Bu baxımdan təcrübə mübadiləsi sahəsində hər iki tərəfi maraqlandıran məsələlər var”.

D.Volvaç ölkələr arasında informasiya mübadiləsinin də böyük əhəmiyyət daşıdığını diqqətə çatdırıb.

“Biz bu prosesi yüksək səviyyədə qurmağa çalışırıq ki, ölkələrimizin vergi orqanları nəzarət tədbirlərini vergiödəyicilərini daha az narahat etməklə müəyyənləşdirilmiş müddətlərdə həyata keçirə bilsinlər”, - deyə Rusiya Vergi Xidmətinin rəsmisi vurğulayıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.