MƏDƏNİYYƏT


Fotoqraf-rəssam Rüstəm Hüseynovun “Qum dalğaları” adlı fotosərgisi açılıb

Bakı, 18 iyul, AZƏRTAC

İyulun 18-də Emin Qəhrəmanov adına Sənət Qalereyasında fotoqraf-rəssam Rüstəm Hüseynovun “Qum dalğaları” fotosərgisinin açılışı olub.

AZƏRTAC xəbər verir ki, fotoqrafın yeni əsərləri Abşeronun isti yay çimərlik mənzərələrinə həsr olunub.

Sərginin açılışında çıxış edən R.Hüseynov Bakı landşaftının öz gözəlliyini itirdiyi bir vaxtda bunu fotolarda, tarixdə qalmasını istədiyini bildirib. Rəssamın əsərlərində düzəltdiyi çərçivələr bir-birini təqib edir, zehni cəlb edir və gözəllik duyğusunu aktivləşdirir. Bəzən bunlar başqa bir planetdə hərəkətin baş verdiyi bir gerçək röyanın parçaları kimi görünür.

Fotoqrafın fikrincə, sərgidə nümayiş olunan əsərlər xatirələrdə qalacaq, mədəniyyətimizi müəyyən edən bir məkan kimi yaddaşlardan silinməyəcək.

Qeyd edək ki, iyulun 25-dək davam edəcək sərgidə 25 əsər nümayiş olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.