"Azercell" avqustda 60 baza stansiyası quraşdırıb
Bakı, 19 avqust, AZƏRTAC
"Azercell Telekom" MMC ilin əvvəlindən yeni 2G, 3G və 4G baza stansiyalarını abunəçilərin istifadəsinə verib. Təkcə avqustda "Azercell" 13 ədəd 2G, 47 ədəd isə 3G baza stansiyası quraşdırıb.
Şirkətdən AZƏRTAC-a verilən məlumata görə, 2014-cü ildə isə "Azercell" 169-dan çox 2G/3G radio baza stansiyası quraşdırıb və 3G şəbəkəsinin tutumu rekord səviyyəyə - ölkə üzrə 48 faizə, Bakı şəhəri üzrə 92 faizə çatdırılıb. Şirkət son iki ildə öz şəbəkəsini 25 faiz daha da gücləndirib.
Bir sıra innovativ konsepsiyaları ilk olaraq Azərbaycana gətirən "Azercell" ölkədə ilk dəfə olaraq GSM texnologiyasını, GPRS/EDGE, həmçinin, 4G şəbəkəsini təqdim edib. Şirkətin təşəbbüsü ilə Azərbaycanın bir neçə universitetində 3G və 4G sınaq laboratoriyaları yaradılıb.
Bölmənin digər xəbərləri
