ABDULLAH GÜL ERMƏNİ MƏSƏLƏSİNİN TÜRKİYƏ-FRANSA ƏLAQƏLƏRİNƏ ƏNGƏL OLMAMASI GƏRƏKLİYİNİ BİLDİRMİŞDİR
Bununla bağlı jurnalistlərin suallarını cavablandıran Abdullah Gül bildirmişdir ki, onun ölkəsi Fransanın üçüncü ölkələrlə münasibətlərinə qarışmayacaqdır. Eyni zamanda, Türkiyənin son illər Parislə əlaqələrində inkişafı diqqətə çatdıran xarici işlər naziri, erməni məsələsinin bu əlaqələri zəiflətməyəcəyini vurğulamışdır.
Nazir demişdir ki, Fransada 400 mindən çox türk yaşayır və onlarla ermənilər arasında hər hansı insident baş verməməsi üçün həm fransız, həm də türk tərəfi tədbirlər görməlidir.
Türkiyənin Avropa İttifaqına üzvlüyü məsələsinin Fransada daxili siyasət alətinə çevrildiyini qeyd edən Abdullah Gül, bu ölkədəki demokratik çoxluğa hörmətlə yanaşdığını, fransız ictimaiyyətinə Türkiyəni daha yaxından tanıtmaq məqsədi ilə genişmiqyaslı mədəni tədbirlər həyata keçiriləcəyini bildirmişdir. O, həmin məsələdə Fransa Prezidenti Jak Şirakın Türkiyəyə dəstəyini yüksək qiymətləndirmişdir.
Bölmənin digər xəbərləri
