ABŞ BAKI-TBİLİSİ-CEYHAN LAYİHƏSİNİ TÜRKİYƏ İLƏ ƏMƏKDAŞLIĞIN ƏN BÖYÜK NAİLİYYƏTİ HESAB EDİR

08.07.2006 [18:06]
Çap et
A⁺ A^-

AZƏRTAC-ın xüsusi müxbiri xəbər verir ki, ABŞ dövlət katibinin Avropa və Avrasiya məsələləri üzrə köməkçisi Daniel Frid türk jurnalistlərə müsahibəsində Bakı-Tbilisi-Ceyhan layihəsinin Birləşmiş Ştatlarla Türkiyənin əməkdaşlığında ən böyük nailiyyət adlandırmışdır. O, ölkəsinin BTC və Bakı-Tbilisi-Ərzurum layihələri ilə yanaşı, Samsun-Ceyhan boru kəməri layihəsini də dəstəklədiyini söyləmişdir. Daniel Frid Rusiyanın Avropada əsas neft və qaz təchizatşısına çevrildiyini xatırlatmış, eyni zamanda, ABŞ-ın bu sahədə inhisarlaşmanın əleyhinə olduğunu və karbohidrogen ehtiyatlarının dünya bazarlarına şıxarılması üçün Azərbaycan, Qazaxıstan və Türkmənistana da bərabər imkanlar təmin edəcək “açıq sistemin” olmasını dəstəklədiyini bildirmişdir.

Türkiyənin həm də Avropada mədəniyyətlər dialoqu mərkəzi olmaq niyyətini də alqışlayan diplomat bu müsəlman ölkəsinin gələcəkdə Avropa İttifaqına qoşulmasının Üsamə ben Ladenin “sadəcə, faşist bir fanatik” olduğunu sübut edəcəyini söyləmişdir.

Türkiyədə dini inancların güclü olduğuna gəldikdə, Daniel Frid bildirmişdir ki, ABŞ-da da bu inanclar güclüdür, amma Birləşmiş Ştatlar dinin dövlətdən tam ayrılmasına dair bütün dünya üçün nümunə olmuşdur. O, ABŞ-dakı məktəblərdə müsəlman qızların başı örtülü olmasını və bunun heç kimi narahat etməməsini də insan azadlığının bir nümunəsi kimi dəyərləndirmişdir.

ABŞ BAKI-TBİLİSİ-CEYHAN LAYİHƏSİNİ TÜRKİYƏ İLƏ ƏMƏKDAŞLIĞIN ƏN BÖYÜK NAİLİYYƏTİ HESAB EDİR

MÜƏLLİFLƏ ƏLAQƏ

Bölmənin digər xəbərləri