ABŞ-IN DAHA BİR AVİASİYA GƏMİSİ FARS KÖRFƏZİNƏ GÖNDƏRİLƏCƏKDİR
ABŞ Hərbi Dəniz Qüvvələrinin daha bir aviasiya gəmisi Fars körfəzi rayonuna göndəriləcəkdir. 72 təyyarə daşıyan “Konstelleyşn” aviasiya gəmisinin noyabrın 2-də San-Diyeqodakı /Kaliforniya ştatı/ hərbi bazadan yola düşəcəyi gözlənilir.
Bəhreyndəki hərbi-diplomatik mənbələr ,- burada ABŞ HDQ-nin 5-ci donanmasının bazası yerləşir, - bildirirlər ki, “Avraam Linkoln” və “Corc Vaşinqton” aviasiya gəmiləri artıq İraqın sərhədləri yaxınlığındadır. Həmin mənbələrin məlumatına görə, dekabrın sonunda “Harri Trumen”, “Nimits” və “Kitti Hok” aviasiya gəmiləri də onlara qoşula, beləliklə regiondakı aviasiya kreyserlərinin sayı artırılıb altıya çatdırıla bilər. “Üzən aviasiya bazaları”nı müşayiət edən qruplara eskadra mina gəmiləri, sualtı qayıqlar və digər gəmilər daxildir.
İTAR-TASS-ın verdiyi xəbərə görə, İraqla bağlı hərbi böhranın kəskinləşməsi təhlükəsi Fars körfəzinə və Ərəbistan dənizinə gedən nəqliyyat gəmilərinin sığorta tariflərinin orta hesabla 15 faiz artmasına gətirib çıxarmışdır.
Bölmənin digər xəbərləri
