ABŞ-IN KƏND TƏSƏRRÜFATI DEPARTAMENTİ AZƏRBAYCANDA ƏMTƏƏ-KREDİT PROQRAMLARINI HƏYATA KEÇİRMƏYƏ BAŞLAYIR
ABŞ-ın Kənd təsərrüfatı departamenti Azərbaycanda kənd təsərrüfatı sahəsində iki əmtəə- kredit proqramını həyata keçirməyə başlayır. ABŞ-ın Bakıdakı səfirliyinin müşaviri Maykl Lelli jurnalistlərə bildirmişdir ki, bu, 907-ci düzəlişin qüvvəsi dayandırıldıqdan sonra ABŞ Dövlət departamentinin ilk tammiqyaslı aksiyasıdır. ABŞ Əmtəə-kredit korporasiyası proqramların hər birinə vəsait ayıracaqdır. Azərbaycan tərəfindən bu proqramların həyata keçirilməsində tərəfdaş kimi Azərbaycan Beynəlxalq Bankı seçilmişdir. Səfirliyin nümayəndəsinin sözlərinə görə, bu proqramlar Amerika ixracçıları ilə potensial Azərbaycan tərəfdaşları arasında ticarət əməkdaşlığının inkişafı, habelə Azərbaycanın qeyri-neft sektorunun inkişafının sürətləndirilməsi üçün nəzərdə tutulmuşdur.
Birinci proqramda bir il ərzində həyata keçiriləcək ixrac kredit zəmanəti olaraq öz kənd təsərrüfatı məhsullarını Azərbaycana ixrac etmək üçün Amerika istehsalçılarına 5 milyon dollar ayrılır. 2001-ci maliyyə ilində anoloji proqramın bütün dünyada həyata keçirilməsi gedişində Amerika kənd təsərrüfatı məhsullarının ixracının kreditləşdirilməsinə 3 milyard dollar xərcləmişdir.
5 milyon dollar həcmində kredit zəmanəti verən digər proqram 180 gün ərzində həyata keçiriləcəkdir. Əməliyyatlar veksellər formasında aparılacaqdır.
Bölmənin digər xəbərləri
