ABŞ-ın xeyriyyə təşkilatı Özbəkistana humanitar yardım göndərib
Daşkənd, 4 iyul, АZƏRTAC
ABŞ-ın “Project Hope” xeyriyyə təşkilatı koronavirusla mübarizə tədbirləri çərçivəsində Özbəkistana 600 min dollar dəyərində humanitar yardım göndərib.
AZƏRTAC Özbəkistan mətbuatına istinadla xəbər verir ki, yardıma qoruyucu maskalar, antiseptik və dezinfeksiyaedici vasitələr, koronavirusu müəyyən etmək üçün 20 min test və tibbi avadanlıq daxildir.
ABŞ-ın “Globus Relief” qeyri-kommersiya təşkilatı da Özbəkistana humanitar yardım kimi 800 min dollar həcmində 2 min adda dərman vasitələri ayırıb və bu günlərdə ölkəyə gətirilməlidir.
Bundan başqa ABŞ-ın İnkişaf və Yardım Agentliyi (ARDA) Özbəkistana müxtəlif ərzaq məhsullarından ibarət yardım edəcək və bu yardımın yaxın vaxtlarda ölkəyə gətirilməsi gözlənilir.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
