ABŞ İRANLA BİRBAŞA DANIŞIQLARDAN İMTİNA EDİR
Ş.MakKormak demişdir ki, bir çox ölkələrin ABŞ-ın İranla birbaşa dialoqunun məqsədəuyğun saymalarına baxmayaraq, Vaşinqtonun mövqeyi belədir ki, hər iki ölkə arasında çoxsaylı əlaqə kanalları var və informasiyanın bir tərəfdən digərinə ötürmək imkanları kifayət qədərdir.
ABŞ-ın dövlət katibi Kondoliza Rays “Nəşnl brodkastinq” milli radioyayım şirkətinə müsahibəsində bildirmişdir ki, ABŞ-la İran arasında əlaqə kanalları çatışmazlığı yoxdur, əksinə, belə kanallar çoxdur. Əsas məsələ budur ki, İran özünün nüvə proqramını dayandırmaq barədə beynəlxalq birliyin tələblərinə tabe olmalıdır.
Almaniya İranla birbaşa danışıqlar aparmağı ABŞ-dan dəfələrlə xahiş etmiş, lakin hər dəfə Vaşinqtondan rədd cavabı almışdır.
Bölmənin digər xəbərləri
