ABŞ jurnalında Ulu Öndərin 100 illiyinə həsr olunmuş qala-konsertdən bəhs edilib
Bakı, 10 may, AZƏRTAC
ABŞ-ın “Viera select” jurnalında Nyu-York şəhərindəki “Carnegie Hall” mərkəzinin “Weill” konsert salonunda keçirilmiş VIII “Florida Keys” beynəlxalq musiqi müsabiqəsinin qala-konserti barədə məlumat dərc olunub.
Diasporla İş üzrə Dövlət Komitəsindən AZƏRTAC-a bildiriblər ki, qala-konsert müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunub. Qalib adını qazanmış müsabiqə iştirakçılarının klassik musiqidən tutmuş müasir musiqiyə, o cümlədən Azərbaycan bəstəkarlarının əsərlərinə qədər heyrətamiz ifalar təqdim etdikləri qeyd olunub.
Xatırladaq ki, “Heydər Əliyev İli” çərçivəsində baş tutmuş qala-konsert Diasporla İş üzrə Dövlət Komitəsinin dəstəyi, Florida ştatında fəaliyyət göstərən Amerika-Azərbaycan Mədəniyyət Assosiasiyasının rəhbəri Töhfə Eminova və assosiasiyanın nəzdindəki Təhsil və mədəniyyət məsələləri üzrə komitənin rəhbəri Pərvin Muradovun birgə təşkilatçılığı ilə gerçəkləşib.
Bölmənin digər xəbərləri
