ABŞ SƏDDAM HÜSEYN BARƏSİNDƏ HÖKMÜ DƏSTƏKLƏMİŞDİR
O demişdir: “Bu, gənc İraq demokratiyasının və ölkənin qanuni hökumətinin başlıca nailiyyətidir”. ABŞ Prezidenti bu hökmü İraq xalqının tiranlıqdan qanunun aliliyi şəraitinə keçid dövründə əsas hadisə kimi qiymətləndirmişdir.
AZƏRTAC İTAR-TASS-a istinadla xəbər verir ki, ABŞ konqresmenləri Səddam Hüseyn barəsində ölüm hökmünü İraq üçün tarixi hadisə adlandırmışlar. Bu, seçkilərqabağı respublikaçıların və demokratların eyni münasibət bildirdiyi yeganə yenilikdir.
Senatın respublikaçı liderlərindən biri - Mitç Makkonnell bildirmişdir ki, bu qərar maniakal Hüseyn rejiminin qurbanı olmuş günahsız iraqlıların xatirəsinə xidmət edir.
Ağ evin rəsmi nümayəndəsi Toni Snou vurğulamışdır ki, ABŞ hökuməti İraqın keçmiş lideri barəsində mütləq ölüm hökmünün çıxarılmasını qarşısına məqsəd qoymamışdı.
Demokratlar Partiyası milli komitəsinin sədri Hovard Din qərarın məhz Hüseynin insanlığa qarşı cinayətlər törətdiyi ölkədə çıxarıldığını mühüm saymışdır.
Bölmənin digər xəbərləri
