ABŞ SİLAHLI QÜVVƏLƏRİNDƏ İRQÇİLƏRİN SAYI ARTIR
ABŞ silahlı qüvvələrindəki müşahidə qrupları bununla bağlı həyəcan təbili vururlar. Ölkədə irqçilərin fəaliyyətini izləyən “Cənub yoxsulluq hüquq mərkəzi” qrupu bildirmişdir ki, hazırda orduda müxtəlif “nifrət qruplaşmaları”nın minlərlə üzvü xidmət edir. Bu isə əsgərlər tərəfindən terrorizm təhlükəsini daha da artırır.
Qrupun başçısının müavini Riçard Koen ABŞ-ın müdafiə naziri Donald Ramsfeldə göndərdiyi məktubda yazır: “Getdikcə daha çox üzə çıxan sübutlara görə, ölkənin İraq və Əfqanıstanla müharibə apardığı bir vaxtda hərbi kontingentin sıralarını genişləndirmək problemini həll etməli olan kadrları seçən zabitlər irqçi ekstremistlərin silahlı qüvvələrin sıralarına düşməsinin qarşısını almaq üçün xüsusi hazırlanmış standartların səviyyəsini aşağı salmışlar”.
Koen nazirdən problemin miqyasını müəyyənləşdirmək və irqçilərin, digər ekstremistlərin orduda xidmətinin qarşısının alınmasından ötrü komissiya yaradılmasını xahiş etmişdir.
Bölmənin digər xəbərləri
