ABŞ strateji ballistik raketdaşıyan sualtı qayığını Avropaya göndərib
Bakı, 12 may, AZƏRTAC
ABŞ-nin Qitələrarası ballistik raketlərlə silahlanmış “Ohio” sinifli strateji sualtı qayığı mayın 10-da Cəbəllütariqdəki hərbi bazaya daxil olub.
AZƏRTAC xəbər verir ki, bu barədə ABŞ Hərbi Dəniz Qüvvələrinin 6-cı Donanması məlumat yayıb.
“Bu, ABŞ-nin hərbi imkanlarını, çevikliyini və NATO müttəfiqlərinə davamlı sadiqliyini nümayiş etdirir. “Ohio” sualtı qayığındakı ballistik raketlər ABŞ nüvə triadasının ən davamlı komponentidir”, - deyə məlumatda bildirilir.
Qeyd edək ki, ABŞ Hərbi Dəniz Qüvvələrinin 14 ədəd “Ohio” sinifli strateji sualtı qayığı var. Onların hər biri 20 ədəd “Trident II D-5” ballistik raketi daşıya bilir.
Bölmənin digər xəbərləri
