ABŞ Ukraynaya 7,9 milyard dollarlıq hərbi yardım ayırıb
Kiyev, 27 sentyabr, AZƏRTAC
ABŞ Ukraynaya 7,9 milyard dollar hərbi yardım ayırıb. Paketə “Joint Stand-off Weapon” (JSOW) qanadlı aviasiya bombaları daxildir.
AZƏRTAC bu barədə Ağ evə istinadla xəbər verir.
Qeyd olunur ki, Ağ evin rəhbəri Co Bayden ABŞ Müdafiə Nazirliyinə onun prezidentlik müddətinin sonuna qədər Kiyevə Təhlükəsizlik Yardımı Təşəbbüsü çərçivəsində qalan bütün vəsaiti Ukraynaya ayırmağı tapşırıb.
“Ukrayna Hərbi Hava Qüvvələrinin potensialının inkişaf etdirilməsi məqsədilə mən Müdafiə Nazirliyinə Ukrayna F-16 pilotlarının təlimini genişləndirməyi, o cümlədən gələn il daha 18 pilotun hazırlanmasına dəstək verməyi tapşırmışam”, - deyə Ağ evin rəhbəri əlavə edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
