ABŞ UYDURMA ERMƏNİ SOYQIRIMINI TANIMAYAN DİPLOMATI ERMƏNİSTANA SƏFİR TƏYİN ETMİŞDİR
AZƏRTAC xəbər verir ki, ABŞ Konqresi senatının xarici məsələlər üzrə komitəsi uydurma erməni soyqırımını inkar etməsinə baxmayaraq, Meri Yovanoviçi Ermənistana səfir təyin edilməsini bəyənmişdir. Birləşmiş Ştatların Ermənistandakı diplomatik nümayəndəliyinin başçısı vəzifəsinə namizəd Yovanoviç senatda keçirilən dinləmələrdə bildirmişdir ki, bu məsələ ilə bağlı Buş hökumətinin mövqeyini tam dəstəkləyir.
Ağ evin başçısı hesab edir ki, Osmanlı imperiyasında 1915-ci ildə baş vermiş hadisələrin soyqırımı olub-olmamasını qanunvericilər deyil, tarixçilər müəyyən etməlidirlər. Ötən ilin oktyabrında nümayəndələr palatasının xarici məsələlər üzrə komitəsi soyqırımı faktının tanınması barədə qətnamə qəbul etmişdi. Prezident Buş bu qətnamənin tamtərkibli palatanın müzakirəsinə verilməsinin əleyhinə çıxmışdı. O bildirmişdi ki, bu, ABŞ ilə Türkiyə arasında strateji münasibətlərə ziyan vuracaqdır.
M.Yovanoviç 2005-ci ilin iyulundan indiyədək ABŞ-ın Qırğızıstandakı səfirliyinə başçılıq edirdi. Bundan əvvəl isə ABŞ dövlət katibi müavininin müşaviri, Kiyevdəki səfirlikdə məsləhətçi-diplomatik nümayəndə işləmişdir.
Bölmənin digər xəbərləri
