AFFA BERTİ FOQTSUN AZƏRBAYCAN YIĞMASINDA İŞİNDƏN RAZIDIR
Berti Foqts Azərbaycan yığmasına gələndən sonra mühüm işlər gördü. Onun yığmadakı fəaliyyətindən biz razıyıq.
AZƏRTAC xəbər verir ki, bunu jurnalistlərə AFFA-nın prezidenti Rövnəq Abdullayev dekabrın 23-də qurumun icraiyyə komitəsinin iclasından sonra keçirilən mətbuat konfransında demişdir.
R.Abdullayev Foqtsun klublara və futbolçulara yardımçı olduğunu söyləmişdir. Ümumiyyətlə Foqts Azərbaycana gələndən sonra Bakıda almaniyalı mütəxəssislər tərəfindən seminarlar keçirildi, uşaq məşqçiləri gətirildi. Berti Foqts klubların işi ilə yaxından maraqlanır, futbolçulara yardımçı olur. Mən əminəm ki, biz bunun bəhrəsini yaxın zamanda görəcəyik.
Bölmənin digər xəbərləri
