Afyon sakini: Qardaşlarımızı burada görməkdən çox məmnunuq
Afyon, 8 avqust, İlyas Zeynallı, AZƏRTAC
Qardaşlarımızı burada görməkdən çox məmnunuq.
Bu sözləri Türkiyənin Afyon şəhərinin sakini Sevgi Satı Omuta AZƏRTAC-ın müxbirinə müsahibəsində deyib.
Azərbaycanlı yanğınsöndürənlərin Türkiyədə meşə yanğınlarının söndürülməsində fədakarlıq göstərmələrinin ölkələrimiz və xalqlarımız arasında qardaşlığın daha bir nümunəsi olduğunu vurğulayan S.Omuta deyib: “Azərbaycanın bizə bu qədər kömək etməyi bizi çox duyğulandırdı. Biz iki dövlət, bir millətik. Azərbaycanın bizim dar günümüzdə köməyimizə gəlməyi çox qürurvericidir".
Qeyd edək ki, Türkiyədə meşə yanğınlarının söndürülməsi və daha geniş miqyas almasına imkan verilməməsi məqsədilə Prezident İlham Əliyevin tapşırığına uyğun olaraq, Fövqəladə Hallar Nazirliyinin (FHN) yanğın-xilasetmə qüvvələrinin avqustun 5-də qardaş ölkəyə yola salınan üçüncü qrupu avqustun 6-da saat 16 radələrində Türkiyə ərazisinə daxil olub. Qrupun üzvləri qardaş ölkəyə daxil olduğu andan aidiyyəti qurumların nümayəndələri və yerli əhali tərəfindən böyük coşqu ilə qarşılanıb. Hazırda qrupun üzvləri təyinat məntəqəsi istiqamətində hərəkət edir. Səfərdə media nümayəndələri də iştirak edirlər.
Bölmənin digər xəbərləri
