Ağ evin qarşısında ənənəvi Milad yolkası işıqlandırıldı
Bakı, 1 dekabr, AZƏRTAC
ABŞ-da dekabrın 25-də qeyd olunacaq Milad bayramına hazırlıqlar davam edir.
AZƏRTAC xəbər verir ki, ABŞ Prezidenti Co Baydenin və ailəsinin iştirakı ilə Ağ evin qarşısında ənənəvi milli yolkanın işıqlandırılması mərasimi keçirilib. Ağ evin önündəki parkda əkilən ağac və onun yanında ABŞ-ın 50 ştatını, 5 ərazisini və paytaxt Vaşinqtonu təmsil edən 56 kiçik ağac işıqlandırılıb.
Hər il olduğu kimi, Prezident işıqların yandırılması üçün geri sayım edib.
ABŞ-ın 32-ci prezidenti Franklin Ruzveltdən bəri ənənəvi olaraq hər il işıqlandırılan yolka dekabrın 25-dək ictimaiyyətə açıq olacaq.
Bölmənin digər xəbərləri
