AĞCABƏDİDƏ RƏSM QALEREYASI YARADILACAQ
Rayon mədəniyyət şöbəsinin müdiri Rza Quliyev AZƏRTAC-ın müxbirinə demişdir ki, əhalinin mədəni-kütləvi tədbirlərə, musiqi və incəsənətə, o cümlədən təsviri sənət əsərlərinə marağı böyükdür. Bunu nəzərə alaraq, hazırda rayon mərkəzində rəsm qalereyasının açılması üçün iş gedir. Mədəniyyət Nazirliyinin qayğısı və tövsiyəsi ilə yaradılacaq qalereyada eksponatlar müntəzəm olaraq dəyişdiriləcəkdir. Əsas məqsəd əhalini Azərbaycan rəssamlıq məktəbi nümayəndələrinin yaradıcılığı ilə yaxından tanış etməkdir. Ötən dərs ilindən uşaq incəsənət məktəbində rəsm sinfi fəaliyyətə başlamışdır.
Rəsm qalereyasının 2005-ci ilin əvvəllərində fəaliyyətə başlayacağı nəzərdə tutulmuşdur.
Bölmənin digər xəbərləri
