AĞCABƏDİDƏ TAXIL BİÇİNİ BAŞA ÇATMIŞDIR
AZƏRTAC xəbər verir ki, Ağcabədi rayonunda taxıl biçini başa çatmışdır.
Taxılçılığın inkişafına dövlət tərəfindən göstərilən qayğı sayəsində rayonda taxılçılar yüksək nəticələrə nail olmuşlar.
Ağcabədi Rayon Statistika İdarəsindən bildirmişlər ki, rayonda 2008-ci ilin məhsulu üçün 13 min hektardan çox sahədə taxıl əkilmişdir. Bunun 10 min 974 hektarı buğda, 2.028 hektarı arpa olmuşdur. Aparılan aqrotexniki tədbirlər sayəsində yüksək məhsuldarlıq əldə edilmişdir. Zəmilərdən 50 min 57 ton taxıl əldə edilmişdir ki, bunun 43 min 933 tonu buğda, 6.124 tonu arpadır. Hər hektarın məhsuldarlığı buğda sahələrində 40 sentner, arpa sahələrində isə 30,2 sentner təşkil etmişdir.
Bölmənin digər xəbərləri
