Ağdamda 21 min 119 hektar sahədə şum qaldırılıb
Ağdam, 22 noyabr, AZƏRTAC
Ağdam rayonunun iqtisadiyyatında aparıcı yer tutan kənd təsərrüfatında payız işləri davam etdirilir.
Rayon Statistika İdarəsindən AZƏRTAC-ın bölgə müxbirinə bildirilib ki, cari ilin 10 ayında torpaq mülkiyyətçiləri 3416,4 hektar tərəvəz, bostan məhsulları, kökümeyvəlilər və köküyumrular sahəsinin 3381 hektarında, yəni 99 faiz sahəsində yığım apararaq, 96 min 490,3 ton məhsul toplayıblar. Hər hektara məhsuldarlıq 285,4 sentner təşkil edib. Bununla yanaşı 1089 ton meyvə, 306,2 ton üzüm istehsal olunub.
Rayonun fermerləri cari ilin payızlıq əkinləri üçün 21 min 119 hektar sahədə şum qaldırıb, 7876 hektar sahədə dən və yaşıl yem üçün payızlıq bitkilər əkiblər. Payızlıq əkinlərin 1062 hektarı yaşıl yem, 4715 hektarı dən üçün buğda, 2099 hektarı isə dən üçün arpadır.
Hazırda rayonda pambıq yığımı və taxıl səpini davam edir.
Bölmənin digər xəbərləri
