AĞSU RAYONUNUN ÜÇ KƏNDİ SU ALTINDA QALMIŞDIR
Ağsu Rayon İcra Hakimiyyətindən AZƏRTAC-a xəbər vermişlər ki, aprelin 26-da Şamaxı rayonuna yağan güclü leysan Ağsunun dağlıq hissəsindən keçən Tikəş qobusunda suyun səviyyəsini 4 metrə çatdırmışdır. Saat 24 radələrində isə qobunun bəndləri uçmuşdur. Nəticədə, Ağsunun Daşdəmirbəyli, Qaraməmmədli və Ağabəyli kəndlərini su basmışdır.
Daşdəmirbəyli kəndində suyun səviyyəsi 0,8 metrə çatmışdır. Həmin kəndin 60, Qaraxanbəyli kəndinin isə 10 evini su basmışdır.
Rayonun xeyli əkin sahəsi su altında qalmış, çoxlu mal-qara tələf olmuşdur. Bu kəndlərə 2 milyard manatdan çox zərər dəymişdir.
Bölmənin digər xəbərləri
