Ağsu və Girdiman çaylarında daşqın təhlükəsinə qarşı tədbirlər görülür
Ağsu, 16 aprel (AZƏRTAC). Yaz yağışları çaylarda suyun səviyyəsinin qalxması, daşqın təhlükəsi ehtimalını artırır.
AZƏRTAC xəbər verir ki, bu təhlükəyə qarşı hazırda Ağsu və Girdiman çaylarının rayonun ərazisindən keçən və sel-suları nəticəsində daşqın ola biləcək ərazilərində məcratəmizləmə, habelə sahilbərkitmə işlərinə başlanılmışdır. Belə ki, qısa müddətdə Girdiman çayında 54 kubmetr məcratəmizləmə işləri aparılmışdır və bu iş davam etdirilir.
Ağsu çayının təhlükəli hissələrində isə sahilbərkitmə işləri görülür. Çayın şəhərdən çıxan ərazisində 10 metr beton bənd tikilmişdir. Maşadqanlı kəndindən keçən ərazisində isə ötən ildən başlanılmış və hazırda davam etdirilən sahilqoruyucu beton bəndin çəkilişi davam etdirilir. Ötən il burada 235 metr beton bənd tikilmişdir. Bu il isə azı 150 metrdə bu iş görüləcək.
Qeyd edək ki, Ağsu rayonunda sahilqoruyucu beton bəndlərin çəkilişi “Göyçay TAAM” MMC tərəfindən aparılır.
Bölmənin digər xəbərləri
