AĞSUDA 32 MİN 285 HEKTARDA PAYIZLIQ TAXIL ƏKİLMİŞDİR
Ağsu rayon statistika idarəsindən AZƏRTAC-a verilən məlumatda bildirilir ki, cari ildə rayonda 30 min 824 hektar sahədən rayon tarixində rekord miqdarda - 82,7 min ton məhsul yığılmışdır.
Taxılçılar gələn il daha yüksək məhsul istehsal etmək əzmindədirlər. Bu məqsədə çatmaq üçün rayonda 32 min 281 hektar sahədə payızlıq taxıl səpini kampaniyası uğurla başa çatdırılmışdır. Əkin sahələri ötən ildəkindən 1.452 hektar artmışdr. Torpaq mülkiyyətçilərinə güzəştli qiymətlərlə toxum və gübrələrin satışı, hər hektar əkin sahəsi üçün verilən maddi yardım onları bu strateji məhsulun istehsalının artırılmasına həvəsləndirən başlıca amillərdəndir.
Rayonun ərazisində, xüsusilə daha çox taxıl əkilən Gəgəli, Bico, Kəndoba, Qaraqoyunlu, Padar, Bozavand ərazi bölgələrində səpin kampaniyası daha mütəşəkkil başa çatdırılmışdır. Erkən əkin aparılan bütün sahələrdə normal çıxış alınmışdır.
Bölmənin digər xəbərləri
