Aleksandr Rıbak Bakı səhnəsində solo konserti ilə çıxış edəcək
Bakı, 10 yanvar, AZƏRTAC
“Eurovision-2009” mahnı müsabiqəsinin qalibi Aleksandr Rıbak fevralın 28-i və 29-da Heydər Əliyev Sarayında solo konserti verəcək.
AZƏRTAC xəbər verir ki, səhnəyə Azərbaycanın Əməkdar artisti Səbinə Babayeva da çıxacaq.
Belarus mənşəli norveçli musiqiçi Aleksandr Rıbak “Eurovision-2009” müsabiqəsində qələbə qazandıqdan sonra məşhurlaşıb. Müsabiqənin finalında onun “Fairytale” kompozisiyası rekord sayda səs - 387 bal toplamışdı. Musiqiçinin “Fairytales” debüt albomu doqquz Avropa ölkəsində ilk iyirmiliyə daxil olub, Rusiyada və Norveçdə isə birinci yer tutub.
Bölmənin digər xəbərləri
