Aleksandr Usik super ağır çəkidə ilk döyüşünü Karlos Takamaya qarşı keçirəcək
Bakı, 29 mart, AZƏRTAC
Ümumdünya Boks Assosiasiyasının (WBA) birinci ağır çəki dərəcəsində dünya çempionu titulundan imtina edib super ağır çəkidə döyüşməyə qərar verən ukraynalı peşəkar boksçu Aleksandr Usik yeni çəki dərəcəsində kamerunlu Karlos Takamaya qarşı döyüşəcək.
AZƏRTAC TASS informasiya agentliyinə istinadla xəbər verir ki, bu barədə boksçunun promauteri Eddi Hern məlumat verib. Bundan əvvəl boksçu rusiyalı döyüşçü Denis Lebedevlə birinci ağır çəki dərəcəsində döyüşdən imtina etdiyi barədə açıqlama verib.
Qeyd edək ki, 32 yaşlı ukraynalı boksçu Dünya Boks Şurasının (WBC), Dünya Boks Təşkilatının (WBO), Dünya Boks Assosiasiyasının (WBA) və Beynəlxalq Boks Federasiyasının (IBF) versiyaları üzrə dünya çempionu titullarını qazanıb.
Karlos Takama isə 42 peşəkar döyüş keçirib. Onların 36-sı qələbə (28 nokaut), 5-i məğlubiyyət, 1-i heç-heçə ilə nəticələnib.
Bölmənin digər xəbərləri
